swasti shaka warsatita 822 waisakha masa di(ng) jyotisa.
caturthi kresnapaksa somawara sana tatkala dayang angkatan lawan dengan ña sanak barngaran si bukah anak da dang hwan namwaran dibari waradana wi shuddhapattra ulih sang pamegat senapati di tundun barja(di) dang hwan nayaka tuhan pailah jayadewa.
di krama dang hwan namwaran dengan dang kayastha shuddha nu diparlappas hutang da walenda kati 1 suwarna 8 dihadapan dang huwan nayaka tuhan puliran kasumuran.
dang hwan nayaka tuhan pailah barjadi ganashakti. dang hwan nayaka tuhan binwangan barjadi bishruta tathapi sadana sanak kapawaris ulih sang pamegat dewata [ba]rjadi sang pamegat medang dari bhaktinda diparhulun sang pamegat. ya makaña sadaña anak cucu dang hwan namwaran shuddha ya kapawaris dihutang da dang hwan namwaran di sang pamegat dewata.
ini grang syat syapanta ha pashkat ding ari kamudyan ada grang urang barujara welung lappas hutang da dang hwa